Zohran Mamdani, kryebashkiaku i ri i qytetit të Nju Jorkut, është parë të premten, më 2 janar 2026, duke udhëtuar me metro drejt punës, në ditën e tij të parë të plotë në detyrë.
Mamdani ka hipur në metro nga lagjja Astoria, duke dhënë një mesazh simbolik thjeshtësie dhe afrimiteti me qytetarët, që në orët e para të mandatit të tij.
Pamjet janë shpërndarë nga media amerikane, duke tërhequr vëmendje të gjerë dhe reagime pozitive në rrjete sociale.
Veprimi i Mamdanit është parë si shenjë e një stili ndryshe drejtimi, më pranë jetës së përditshme të qytetarëve dhe po komentohet gjerësisht.
