Është zyrtarizuar marrëveshja: João Cancelo do të luajë sërish për Barcelona-n. Ditën e sotme, gazetari i njohur Fabrizio Romano publikoi në X shprehjen e tij karakteristike “Here we go”, duke konfirmuar se mbrojtësi portugez 31-vjeçar, i cili ishte pjesë e Al Hilal, ka firmosur me gjigantët katalanas.
Sipas Romanos, marrëveshja mes Cancelos dhe Barcelonës është deri në qershor, ndërsa Barcelona do t’i paguajë Al Hilal-it 4 milionë euro për huazimin.
Gjithashtu, marrëveshja e mëparshme mes Interit dhe Al Hilal-it për transferimin e Cancelos nuk është më e vlefshme, pasi vetë lojtari zgjodhi të rikthehet te Barcelona.
Kjo është hera e dytë e Cancelos në Katalonjë. Ai luajti më parë për Barcelonën në sezonin 2023/24 si i huazuar, ku zhvilloi 42 ndeshje, shënoi 4 gola dhe dha 5 asistime, përpara se të kthehej te Manchester City, klubi që zotëronte kartonin e tij në atë periudhë.
