Ylli në ngjitje i Bayern Munich, Lennart Karl, ka bërë një deklaratë që nuk ka kaluar pa u vënë re në Gjermani. Gjatë një vizite në një klub tifozësh të kampionëve gjermanë, mesfushori ofensiv 17-vjeçar pranoi publikisht se klubi i ëndrrave të tij është Real Madrid.
“Bayern është një klub shumë, shumë i madh. Është ëndërr të luash këtu. Por një ditë dua patjetër të firmos për Real Madrid. Është klubi i ëndrrave të mia… por ta mbajmë mes nesh,” u shpreh Karl me shaka, duke shtuar më pas se e vlerëson shumë Bayern-in dhe po e shijon maksimalisht aventurën te bavarezët.
Talenti i ri foli edhe për një objektiv tjetër të madh: Botërorin. Ai tha se do të ishte diçka “shumë speciale” të marrë pjesë në një Kupë Bote në moshën 17-vjeçare, por theksoi se gjithçka varet nga paraqitjet e tij dhe nga puna e përditshme.
