Një ngjarje e pazakontë dhe tronditëse është regjistruar mesditën e 30 dhjetorit në një dyqan argjendarie në qytetin e Vlorës.
Kamerat e sigurisë kanë fiksuar momentin kur një fëmijë ka arritur të përvetësojë një lingotë floriri prej 15 gramësh.
Sipas dëshmisë së pronarit të dyqanit, ngjarja nuk duket të jetë thjesht një lojë fëmijësh, por një veprim i mirëmenduar.
Sipas tij, fëmija është futur në pjesën e brendshme të banakut, ka hapur sirtarin dhe ka marrë objektin me vlerë pa asnjë hezitim.
