Charles De Ketelaere, lojtari belg i Atalantës, vazhdon të shkëlqejë me një formë fantastike. Me dy golat vendimtarë kundër Empolit, ai po përjeton një muaj të jashtëzakonshëm, duke regjistruar 8 gola në të gjitha kompeticionet që nga 22 nëntori.
Kjo ishte dopieta e gjashtë e tij për vitin 2024, duke e bërë një specialist të golave dyshe. Në këtë vit, ai ka realizuar gola të rëndësishëm kundër skuadrave si Young Boys, Cesena, Lazio dhe Roma.
De Ketelaere ka arritur 10 gola këtë sezon, të shpërndara mes kampionatit, Kupës së Italisë dhe Champions League. Ai është vetëm katër gola larg rekordit personal prej 14 golash të shënuar sezonin e kaluar dhe po sfidon rekordin e tij historik prej 18 golash me Club Brugge në 2021/2022.
Trajneri Gian Piero Gasperini e përgëzoi lojtarin e tij pas ndeshjes:
“Charles nuk është më një objekt misteri. Ai është një garanci për ekipin dhe po tregon vlerat e tij në fushë,” tha ai për DAZN.
