Chelsea ka mbetur pa trajner, pasi klubi londinez dhe Enzo Maresca kanë vendosur me marrëveshje të ndërsjellë të mbyllin bashkëpunimin.
Chelsea njoftoi zyrtarisht në faqen e saj se ka ndarë rrugët me trajnerin e ekipit të parë të meshkujve, me të dyja palët që kanë rënë dakord për ndarjen. Gjatë periudhës së tij në klub, tekniku italian e udhëhoqi Chelsean drejt fitimit të UEFA Conference League dhe FIFA Club World Cup. Klubi theksoi se këta trofe do të mbeten një pjesë e rëndësishme e historisë së fundit të Chelsea-t dhe falënderoi Maresca-n për kontributin në progresin e skuadrës.
Emri i trajnerit të ri ende nuk dihet, por trajneri i Strasburgut, Liam Rosenior, përmendet si kandidati kryesor për ta marrë postin.
