Baba i banorit të “Big Brother VIP 5”, Malit, Faik Retkoceri, ishte parashikuar të ishte i ftuar mbrëmjen e djeshme në emisionin “Ftesë në 5”.
Megjithatë, për shkak të gjendjes së tij shëndetësore dhe emocionale të rënduar, ai nuk arriti të marrë pjesë në lidhjen direkte.
Moderatorja Bieta Sulo bëri të ditur gjatë transmetimit se situata u mësua vetëm pak minuta para se të realizohej intervista. Sipas saj, gjatë përpjekjeve për të kontaktuar me Faikun, në telefon u përgjigj motra e tij, e cila jeton në Francë.
“Pak minuta para provës për lidhjen direkte, na erdhi një mesazh. Kur telefonuam me mendimin se do të flisnim me Faikun, në telefon doli motra e tij”, tregoi Sulo gjatë emisionit.
“Ai është duke marrë infuzion dhe është në gjendje të rënduar, pasi nuk po arrin të përballojë komentet dhe reagimet në rrjetet sociale”, thuhej në mesazh, ku kërkohej mirëkuptim nga stafi i emisionit.
Bieta Sulo shtoi gjithashtu se gjatë bisedës telefonike, motra e Faikut kishte theksuar se gjendja e tij emocionale ishte përkeqësuar ndjeshëm dhe për këtë arsye ishte dërguar menjëherë në spital.
Gjatë shfaqes së të shtunës, Mali rrefuzoi të takonte babain e tij, i cili kishte shkuar deri në shtëpinë e BBVA për ta takuar.
