Milan dhe Inter kanë hedhur hapin zyrtar drejt një epoke të re duke nënshkruar aktin e kalimit të pronësisë së stadiumit “Giuseppe Meazza” dhe zonës përreth, që më parë menaxhohej nga Bashkia e Milanos. Tashmë, si pronarë të tokës, të dyja klubet po bashkëpunojnë për të ndërtuar atë që do të jetë shtëpia e ardhshme moderne e futbollit italian.
Projekti madhështor u është besuar arkitektëve me famë botërore, Norman Foster dhe David Manica. Plani parashikon që faza e parë e ndërtimit të nisë në vitin 2027, duke filluar me tunelet e aksesit dhe hapësirat ndihmëse për një stadium që do të ketë një kapacitet prej 71,500 spektatorësh.
