Autoritetet kanë reaguar menjëherë pas publikimit të një video ku disa efektivë policie shiheshin teksa po nxirrnin me forcë nga mjeti i tyre dy persona.
Përmes një njoftimi zyrtar Autoriteti i Mbikëqyrjes Policore, bën me dije se pas verifikimeve të kryera ka rezultuar se një patrullë policie gjatë ushtrimit të detyrës, në rrugën “Kastriotët”, ka konstatuar në shkelje administrative një automjet tip “Toyota”.
Në momentin që efektivët do të vendosnin masën administrative është afruar drejtuesi i mjetit, shtetasi me ininciale M.C, i cili ka ofenduar dhe kundërshtuar punonjësit e policisë si dhe u ka grisur atyre bllokun e masave administrative.
Nga ana e punonjësve të policisë është bërë kallëzimi penal, përpiluar raport shërbimi si edhe raporti i shoqërimit për këtë shtetas.
Vijojnë verifikimet për zbardhjen dhe dokumentimin e plotë të rrethanave të ngjarjes si edhe monitorimi i zbatimit të procedurave standarde nga ana e punonjësve të policisë.
Njoftimi i plotë i AMP-së:
Agjencia e Mbikëqyrjes Policore (Rajoni Tiranë) ka kryer verifikimet e para në lidhje me një video të publikuar në rrjetet sociale në rrugën “Kastriotët”, ku ka rezultuar se një patrullë policie gjatë ushtrimit të detyrës, ka konstatuar në shkelje administrative një automjet tip Toyota me targë AA***LA.
Në momentin e vendosjes së masës administrative është afruar drejtuesi i mjetit, shtetasi M.C., i cili ka ofenduar dhe kundërshtuar punonjësit e policisë gjatë ushtrimit të detyrës si edhe ka grisur bllokun e masave administrative.
Nga ana e punonjësve të policisë është bërë kallëzimi penal, përpiluar raport shërbimi si edhe raporti i shoqërimit për këtë shtetas.
Vijojnë verifikimet për zbardhjen dhe dokumentimin e plotë të rrethanave të ngjarjes si edhe monitorimi i zbatimit të procedurave standarde nga ana e punonjësve të policisë.
AMP falenderon mediat dhe inkurajon qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresë[email protected].
Për ankesa me Ëhatsapp 0694151511
Ose shkarkoni në Play Store dhe App Store aplikacionin “Agjencia Digjitale”
