Sonte në Doha do të mbahet ceremonia The Best FIFA Football Awards, ku FIFA pritet të zbulojë lojtarin më të mirë, trajnerin më të mirë dhe fituesin e çmimit Ferenc Puskás, mes një gare të fortë dhe shumë emrave “big”.
Eventi zhvillohet në Fairmont Katara Hall (Doha, Katar) dhe përveç çmimeve kryesore do të jepen edhe trofe për disa kategori të tjera të rëndësishme në futboll.
Vëmendja më e madhe është te çmimi “Lojtari më i mirë i vitit” (meshkuj), ku në listën e kandidatëve janë këta yje:
Ousmane Dembélé, Achraf Hakimi, Nuno Mendes, Vitinha, Pedri, Raphinha Dias, Lamine Yamal, Harry Kane, Kylian Mbappé, Cole Palmer, Mohamed Salah.
Vitin e kaluar, këtë trofe e fitoi mesfushori i Real Madridit, Vinícius Júnior.
Po sonte pritet të shpallet edhe trajneri më i mirë i vitit 2025, me këtë shortlist:
Javier Aguirre (Meksikë), Mikel Arteta (Arsenal), Luis Enrique (PSG), Hans-Dieter Flick (Barcelona), Enzo Maresca (Chelsea), Roberto Martínez (Portugali), Arne Slot (Liverpool).
Përveç këtyre, FIFA do të shpallë fitues edhe në kategori të tjera si: trajnerja më e mirë e femrave, portieri më i mirë (meshkuj), portierja më e mirë (femra), fituesi i “Marta Trophy”, si dhe fituesi i “Puskás Award”.
Fituesit e The Best FIFA Football Awards™ 2025 do të shpallen në një event special në Doha, Katar, i cili do të transmetohet drejtpërdrejt në FIFA.com, duke nisur nga ora 18:00.
