Manchester United dhe AFC Bournemouth dhuruan një nga ndeshjet më të çmendura të sezonit, duke barazuar 4-4 pas një përmbysjesh të njëpasnjëshme dhe emocionesh deri në fund.
United e nisi më mirë dhe kaloi në avantazh në minutën 13’ me Amad Diallo (1-0), por Bournemouth u përgjigj në 40’ me Antoine Semenyo për 1-1. Në fund të pjesës së parë, “Djajtë e Kuq” rikthyen epërsinë: Casemiro shënoi në 45+4’ për 2-1 dhe ky ishte rezultati i pushimit.
Pjesa e dytë ishte “zjarr”. Bournemouth barazoi menjëherë në 46’ me Evanilson (2-2) dhe më pas e përmbysi në 52’ me një goditje dënimi të Marcus Tavernier (2-3). United reagoi në minutat e fundit: Bruno Fernandes barazoi në 77’ me një super-goditje dënimi (3-3), Matheus Cunha e ktheu në 4-3 në 79’, por drama nuk mbaroi aty — Junior Kroupi shënoi në 84’ për 4-4.
Në shtesë pati edhe raste për fitore (u dhanë 8 minuta), me Bournemouth që ishte pranë golit të pestë, por portieri Senne Lammens shpëtoi United me një pritje vendimtare ndaj një goditjeje me kokë nga Brooks.
Golat: Amad 13’, Casemiro 45+4’, Bruno Fernandes 77’, Cunha 79’ / Semenyo 40’, Evanilson 46’, Tavernier 52’, Kroupi 84’
Kartona të verdhë: Dalot 43’, Semenyo 43’, Casemiro 50’, Senesi 77’, A. Smith 79’
