Grupi Parlamentar i Partisë Demokratike do të mblidhet ditën e sotme në orën 12:00.
Pjesë e diskutimeve do të jetë edhe aksioni në Kuvendin e Shqipërisë, pasi ditën e nesërme do të mbahet seanca e radhës.
Në seancën e kaluar, pasditen e së hënës, deputetët e opozitës nuk lejuan zhvillimin normal të diskutimeve.
Ata hodhën sende të forta drejt Elisa Spiropalit, kryetares së Kuvendit dhe i vunë flakën karrigeve të tyre në ambientet e jashtme të godinës.
PS ka kërkuar përjashtimin e 24 deputetëve demokratë, ndërsa Sekretariati i Etikës do të mblidhet ditën e sotme në orën 15:00 për të shqyrtuar kërkesën./ilirianews
