Atletico Madrid ka arritur një fitore të rëndësishme në “Civitas Metropolitano”, duke mposhtur Valencian me rezultatin 2-1 dhe duke u rikthyer te suksesi në La Liga pas një performance të fortë dhe plot intensitet.
Koke zhbllokoi ndeshjen herët, në minutën e 17-të, duke i dhënë Los Colchoneros avantazhin 1-0 pas një aksioni të organizuar në zonën kundërshtare. Valencia reagoi, por goli i Pepelus në minutën e 34-t, fillimisht i akorduar, u anulua pas ndërhyrjes së VAR-it.
Në pjesën e dytë, miqtë barazuan rezultatin në minutën e 63-të me Beltrán, i cili shfrytëzoi një asist të Almeidës për të rikthyer shpresat e valencianëve.
Por Atletico nuk u dorëzua. Në minutën e 74-t, Antoine Griezmann shënoi golin e fitores pas një aksioni të shpejtë, duke vulosur rezultatin final 2-1 për skuadrën e Diego Simeones.
Në minutat e fundit pati tensione, me trajnerin Diego Simeone dhe disa lojtarë që u ndëshkuan me karton të verdhë, por rezultati mbeti i pandryshuar.
Me këtë fitore, Atletico Madrid rimerr qetësinë dhe i rikthehet garës në La Liga, ndërsa Valencia largohet e zhgënjyer nga një ndeshje që mund ta kishte kthyer në rezultat.
