Një ngjarje e rëndë ka tronditur komunitetin e boksit në Meksikë, pasi Josue David Hernandez, një boksier 20-vjeçar, u vra ndërsa përpiqej të mbronte motrën e tij nga një sulm me thikë në shtëpinë e familjes afër Mexico City.
Incidenti ndodhi të martën e kaluar kur Hernandez ishte në shtëpi me katër motrat e tij. Ai u godit fatalisht gjatë përleshjes, ndërsa autoritetet po hetojnë një të dyshuar të mundshëm, i cili mund të jetë një i afërm i familjes.
Pavarësisht mbërritjes së shpejtë të mjekëve, Hernandez kishte ndërruar jetë në vendngjarje dhe agresori thuhet se është në arrati.
Hernandez kishte një karrierë të ndritur në boks, duke filluar stërvitjen që në moshën 10 vjeçare dhe duke u shpallur fitues në disa turne kombëtare në nivel amator.
Ai ishte duke u përgatitur për debutimin e tij profesionist dhe konsiderohej si një nga talentet më premtuese të boksit në vend.
Lajmi i vdekjes së tij i ka tronditur thellësisht anëtarët e komunitetit sportiv, duke përfshirë trajnerin e tij, Titan Rodriguez, i cili shprehu dhimbjen e tij në një mesazh prekës, duke e cilësuar Josuen si mikut dhe partnerin e tij në stërvitje.
Rodriguez premtoi që do të vazhdojë të punojë fort për të realizuar ëndrrat që ata kishin ndarë së bashku.
Vdekja tragjike e Josue David Hernandez është më shumë se një humbje për familjen dhe miqtë e tij; ajo ngre gjithashtu shqetësime më të thella rreth dhunës dhe sigurisë në Meksikë, një vend që përballet me probleme të mëdha të krimit të organizuar.
