E pyetur nga një ndjekës në Instagram se çfarë mendimi ka për “Big Brother VIP Kosova 4”, Alketa Vejsiu është shprehur me bindje se duhet ta bëjë ajo një edicion, qoftë si producente apo gazetare:
“Hah, duhet ta bëja një edicion unë. Në rolin e producentes dhe gazetares së një reality show s’më keni imagjinuar, por do të ishte bast i fituar.”
Alketa vazhdoi të shprehë se nëse do të kishte një rol të tillë “do të ngrinte nivelin”, duke kritikuar ashpër Big-un e këtij viti, pikërisht për modelet e njerëzve që përfaqësojnë shumë pak dhe sipas saj “sjellin porno në mes të ditës”:
“Do ta prezantoja mirë, do ta ngrija nivelin, sepse te Big-u i Kosovës, me ç’shoh në rrjetet sociale, është tejkaluar çdo limit etik. Nuk jam për porno në mes të ditës, kurrsesi. Shoh skena që të krijojnë bezdi, diskomfort. Shtysa kryesore është “seksi shet”.
S’do shisja gjithçka për suksesin e një formati televiziv. TV ka një mision, është hapësirë shumë e privilegjuar. Lëre pastaj modelet që serviren, njerëzit që futen. Ka personazhe interesante, ka pastaj njerëz që nuk e di çfarë përfaqësojnë, me çfarë statusi futen. Pse duhet të bëhen model ca modele që s’përfaqësojnë asgjë, veç tundin të pasmet dhe na japin leksione erotizmi.”
Për Alketën, nuk shet gjithmonë vetëm seksi dhe vulgariteti, ndaj ajo këmbëngul te rritja e nivelit të personazheve dhe narrativës. Megjithatë, moderatorja nuk i futi të gjithë në një thes, duke u shprehur se ka dhe personazhe që i pëlqejnë aty brenda:
“Formati, ama, është eksperiment social televiziv i provuar për numrat dhe suksesin. Nuk e kontestoj. Mendoj që, edhe duke rritur nivelin e personazheve dhe narrativën, sukses dhe lajm mund të prodhohet njësoj. I shpall luftë vulgaritetit dhe ata që futen do të doja shumë të kishin ç’të tregonin dhe sillnin.
Ka personazhe interesantë që më kanë pëlqyer, ndaj s’dua ta përgjithësoj këtë qëndrim.”
