Los Blancos kanë plane të tjera në merkato.
Konaté humbet mundësinë për t’u bashkuar me “Galaktikët”.
Sipas gazetarit të njohur dhe të besueshëm Fabrizio Romano, Real Madrid ka vendosur të mos nënshkruajë me mbrojtësin francez 26-vjeçar të Liverpool-it dhe kombëtares së Francës, Ibrahima Konaté.
Më herët ishte raportuar se Real Madridi kishte nisur bisedimet me Konatén për një transferim të mundshëm falas në verën e vitit 2026, kur edhe i skadon kontrata me Liverpool-in.
Megjithatë, duket se “Los Blancos” e kanë ndryshuar tashmë drejtimin.
Thuhet se zgjedhja përfundimtare e Realit është Dayot Upamecano i Bayern Munich, dhe jo Konaté.
Ndërkohë, Konaté është aktualisht në bisedime me Liverpool-in për rinovimin e kontratës.
Këtë sezon, ai ka luajtur 18 ndeshje, ka shënuar 1 gol, dhe vlerësohet me një çmim tregu prej 55 milionë eurosh sipas Transfermarkt.
