Banesa e shtetasit Andrea Lako, i cili jeton i vetëm, është përfshirë nga flakët e zjarrit në lagjen 14 të qytetit të Korçës. Sipas informacioneve paraprake, dyshohet se shkak i zjarrit ka qenë një shkëndijë elektrike.
Ngjarja ka shkaktuar panik te banorët e zonës, të cilët janë evakuuar menjëherë nga forcat e zjarrfikëses dhe policisë. Gjatë operacionit të shpëtimit, një e moshuar ka marrë ndihmë mjekësore dhe është transportuar me ambulancë në spital për probleme me frymëmarrjen. Fatmirësisht, ajo ndodhet jashtë rrezikut për jetën.
Aktualisht, zjarri është fikur plotësisht dhe policia ka nisur hetimet për të zbardhur shkaqet e këtij incidenti.
