Një top special për një ndeshje të veçantë. Gara për një biletë drejt Budapestit ka nisur fuqishëm.
Sot, UEFA prezantoi topin e ri zyrtar që do të përdoret në finalen e Champions League 2025/26, e cila do të luhet në Budapest, Hungari, në stadiumin “Ferenc Puskás”.
Topi, i prodhuar nga Adidas, vjen me një dizajn mbresëlënës në të zezë dhe të verdhë: një sfond të zi të dekoruar me figura të verdha të një luani dhe një dragoi, të shoqëruara me yjet e bardhë tradicionale të Champions League, që janë tashmë pjesë ikonike e çdo topi të kësaj gare.
Ky model i ri i Adidas-it do të përdoret që nga faza play-off e edicionit 2025/26 të Champions League dhe do të dalë në shitje në shkurt 2026.
Finalja do të zhvillohet më 30 maj 2026, duke shënuar herën e parë që stadiumi “Ferenc Puskás” pret një finale të Champions League.
