Arritje e pabesueshme!
Trajneri italian vazhdon të tregojë nivel të jashtëzakonshëm profesionalizmi.
Pas fitores minimale 1–0 në derbin e Milanos kundër Interit, trajneri 58-vjeçar Massimiliano Allegri — aktualisht në krye të Milanit — ka hyrë në historinë e futbollit italian si i vetmi trajner që ka arritur mbi 100 fitore me Milanin dhe me Juventusin në të gjitha kompeticionet.
Kjo fitore shënon triumfin e tij të 100-të si trajner i Milanit, ndërsa me Juventusin ai ka grumbulluar plot 271 fitore.
Allegri ka drejtuar Juventusin në dy periudha (2014–2019 dhe 2021–2024), ndërsa edhe me Milanin është në mandatin e tij të dytë pas periudhës së parë 2010–2014.
Aktualisht, Milani renditet në vendin e dytë në Serie A me 25 pikë.
