Kryeministrja e Italisë, Giorgia Meloni është “personi më i fuqishëm në Evropë” sipas gazetës amerikane “Politico”, për vitin 2025.
“Kë telefononi nëse doni të flisni me Evropën? Nëse je Elon Musk, njeriu më i pasur në botë dhe këshilltari kryesor i presidentit të zgjedhur të Shteteve të Bashkuara, Donald Trump, numri që duhet të telefononi është Giorgia Meloni”, shkruan gazeta amerikane.
E teksa e quan si personin më të fortë, gazeta kujton hapat e parë në politikë të Melonit, si liderja e partisë së krahut të djathtë Fratelli d’Italia kaloi nga shkarkimi si një i çmendur ultranacionalist në zgjedhjen kryeministre të Italisë dhe duke u vendosur si një figurë me të cilën Brukseli dhe tani Uashingtoni, mund të bëjnë biznes.”
Në përshkrimin e njohjes, Politico kujton se si kryeministrja italiane “edhe pse është kthyer drejt qendrës” , “filloi karrierën e saj politike si aktiviste në krahun rinor të Lëvizjes Sociale Italiane neofashiste”.
“Që nga zgjedhja e në vitin 2022 , kryeministri italian ka prezantuar politika për çështje të tilla si emigracioni dhe të drejtat e LGBTQ+ që dikur do të kishin tërhequr dënimin nga Brukseli”, në vend të kësaj, shumë liderë të Bashkimit Europian “e kanë pranuar Melonin si përfaqësuesin e mirëpritur të radikalëve gjithnjë e më shumë”.
Meloni bëri bujë në mbarë botën kur u bë kryeministrja e parë femër e Italisë, por pak parashikuan se ajo do të zgjaste gjatë në detyrë.
