Një operacion policor i koduar “Aksi” çoi në kapjen e një 23-vjeçari nga Shkodra, i cili po qarkullonte i armatosur me një armë zjarri pistoletë. Disa ditë më parë, shërbimet e Sektorit të Policisë Rrugore në DVP Lezhë, në bashkëpunim me Forcën e Posaçme “Shqiponja”, organizuan një operacion për të identifikuar dhe arrestuar individë që mbajnë armë pa leje. Bazuar në informacione të sigurta, ata kishin targetuar një të ri që dyshohej se lëvizte me armë.
Operacioni u realizua në aksin rrugor “Lezhë–Shkodër”, në fshatin Mabë. Gjatë ndalimit të një automjeti tip BMW, shërbimet e Policisë kryen kontrollin e drejtuesit dhe çantës që ai kishte me vete. Gjatë kontrollit, ata gjetën dhe sekuestruan një armë zjarri pistoletë, e cila kishte krehër dhe municion luftarak.
Pas ndalimit, autoritetet vazhduan me kontrollin në banesën e të riut në lagjen “Salo Halili” në Shkodër, ku u gjet dhe një sasi e vogël lënde narkotike, e dyshuar si kanabis. I ndaluari, identifikuar si Xh. C., është arrestuar në flagrancë për veprat penale “Mbajtja pa leje dhe prodhimi i armëve, armëve shpërthyese dhe i municionit” ndersa akuzohet gjithashtu për “Prodhimi dhe shitja e narkotikëve”.
Materialet e mëtejshme procedurale i kaluan Prokurorisë së Lezhës për hulumtime të mëtejshme. Ky arrestim tregon angazhimin e Policisë për të garantuar sigurinë publike dhe për të luftuar krimin e organizuar në vend.
