Një sasi e madhe kokaine është kapur pranë portit të Antwerp në Belgjikë, kanë bërë të ditur autoritetet. Pesë persona, katë belgë dhe një shqiptar janë vënë në pranga.
Oficerët e doganës gjetën një ngarkesë prej 672 kilogramësh kokainë në një kontejner të ngarkuar me kokrra kafeje me origjinë nga Kolumbia. Prokuroria publike tani njofton se operacioni ka ndodhur pas një hetimi të gjatë.
Hetimi identifikoi një të dyshuar 29-vjeçar, i cili dyshohet se i përkiste një organizate që planifikonte trafikun e një ngarkese kokaine. Grupi donte të hiqte drogën pasi mbërriti në port dhe policia lokale e Antwerp ishte në gjendje të zbulonte se ku dhe kur do të ndodhte kjo.
Disa forca policie punuan së bashku për të kapur kontejnerin në fjalë. Gjatë këtij aksioni janë arrestuar edhe katër të dyshuar. Në fazën tjetër ndodhi arrestimi i pestë. Tashmë të gjithë të dyshuarit janë arrestuar edhe nga gjyqtari hetues. Ata dyshohen për trafikim të lëndëve narkotike në bashkëpunim. Droga u asgjësua pas kapjes.
