Banorja transgjinore e Big Brother VIP Kosova, Linda Rei, ka shfaqur një shqetësim të madh lidhur me shëndetin e saj, duke kërkuar insulinën, një medikament jetik për të, që ende nuk i është siguruar nga produksioni.
Në një video të shpërndarë gjerësisht në rrjetet sociale, ajo u shpreh se ishte e tronditur nga situata: “Gjëja më absurde është që unë ende nuk e kam insulinën në dorë.”
Ky incident ndodhi një ditë pas një problemi shëndetësor që ajo përjetoi gjatë natës së parë në shtëpi, ku ishte detyruar të qëndronte për disa minuta në dhomën e rrëfimit për ndihmë.
Mungesa e insulinës ka ngritur alarm mbi gjendjen e saj shëndetësore dhe ka nxitur reagime të shumta në rrjetet sociale.
Insulina është një hormon i nevojshëm për rregullimin e niveleve të sheqerit në gjak dhe është esencial për individë me diabet apo kushte të tjera shëndetësore që kërkojnë trajtim.
Rasti i Lindës ka tërhequr vëmendjen e shikuesve dhe shumë prej tyre po kërkojnë masa të menjëhershme nga produksioni për t’u siguruar që ajo të marrë kujdesin e nevojshëm.
