Menaxheri i kombëtares shqiptare, Sylvinho, i cili ka luajtur për klube të njohura si Arsenal dhe Manchester City, shprehu admirim për skuadrën e Thomas Tuchel, duke theksuar se “fatkeqësisht, ata janë më të fortë se gjashtë muaj më parë. Numrat janë të jashtëzakonshëm. Është e pakëndshme! Çfarë mund të them? Por ne jemi të lumtur dhe nesër do të përballemi me një nga më të mirët dhe do të përpiqemi të bëjmë punën tonë. Lojtarët e mij kanë besim dhe e duan atë që bëjnë në fushë.”
Sylvinho theksoi se ekipi i tij do të përgatitet për një ndeshje të madhe, me shpresën se do të arrijnë të shënojnë dhe të ofrojnë një performancë të shkëlqyer. “Kam dëgjuar se në 90 minuta futbolli mund të ndodhin gjithçka,” shtoi ai. Ai e pranoi se skuadra e Tuchel është në një nivel krejtësisht të ndryshëm nga e tij dhe kërkoi që të mos kishte keqkuptime në lidhje me këtë. “Ne jemi shumë të lumtur me ekipin tonë; për herë të parë do të luajmë në playoff në mars, por kjo është krejt ndryshe.”
Sylvinho e përshkroi ndeshjen si shumë të vështirë dhe lavdëroi trajnerin Tuchel dhe stafin e tij, duke thënë se ata kanë disa nga lojtarët më të mirë në botë. Ai është në dijeni se përballja me një skuadër të tillë do të jetë sfiduese, por është optimist se ekipi i tij do të japë maksimumin.
Ndeshja e nesërme pritet të jetë një përballje e fortë dhe e rëndësishme për Shqipërinë, e cila është e gatshme për të treguar se cila është e ardhmja e saj në futboll. Sylvinho dhe lojtarët e tij shpresojnë të lënë shenjë dhe të tregojnë se, edhe pse përballen me një ekip të fortë, ata janë gjithashtu të gatshëm për sfida dhe për të konkuruar në nivelin më të lartë.
