Një ngjarje e rëndë ka ndodhur sot rreth orës 04:30 në lagjen “Uji i Ftohtë” të Vlorës, ku dy të rinj, 22 dhe 26 vjeç, dyshohet se kanë sulmuar me mjet prerës një 39-vjeçar, i cili ndodhet aktualisht nën kujdesin e mjekëve në spital.
Autorët e dyshuar janë shoqëruar nga policia për veprime të mëtejshme, ndërkohë që grupi hetimor po punon për sqarimin e plotë të rrethanave të ngjarjes.
Njoftimi:
Sot, rreth orës 04:30, në lagjen “Uji i Ftohtë”, gjatë një konflikti për motive të dobëta, dyshohet se shtetasit D. S., 22 vjeç, dhe G. P., 26 vjeç, banues në Vlorë, kanë goditur me mjet prerës shtetasin V. K., 39 vjeç, i cili ndodhet në spital, nën kujdesin e mjekëve.
Të dy autorët e dyshuar janë shoqëruar në ambientet e DVP Vlorë për veprime të mëtejshme, ndërkohë grupi hetimor vijon punën për sqarimin dhe dokumentimin e plotë të kësaj ngjarjeje.
