Një shpërthim i fuqishëm ështrë regjistruar në Kamëz rreth orës 02:20 të mëngjesit të kësaj të shtune.
Sipas raportimeve e gjithë zona përrreth bulevardit “Nënë Tereza” është tronditur fuqishëm dhe banorët janë zgjuar të panikosur nga zhurma e fortë.
Ngjarja ka ndodhur në një distancë 500 metër larg komisariatit të policisë, në ambientet e jashtme të biznesit në pronësi të shtetasve B. E. dhe K. M.
Për pasojë ka pasur dëme të konsiderueshme materiale. Ende nuk ka detaje për motivet e ngjarjes.
Në njëftimin për mediat, policia thotë:
Kamëz/Informacion paraprak
Rreth orës 02:20, në bulevardin “Nënë Tereza”, Kamëz, në ambientet e jashtme të biznesit në pronësi të shtetasve B. E. dhe K. M., ka shpërthyer një sasi e dyshuar lënde plasëse. Si pasojë janë shkaktuar vetëm dëme materiale.
Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të rastit.
