Sulmuesi polak i Barcelonës, Robert Lewandowski, po shqyrton seriozisht të ardhmen e tij profesionale dhe nuk përjashton që ky sezon të jetë i fundit në karrierën e tij.
Sipas raportimeve të Diario AS, 37-vjeçari do të ishte gati të tërhiqej nga futbolli nëse Barcelona nuk i ofron një kontratë të re. Megjithatë, ai shpreson të vazhdojë me klubin katalanas dhe dëshiron të ndihmojë ekipin edhe për disa sezone të tjera.
Në rast se rinovimi nuk ndodh, Lewandowski është i hapur për oferta nga klube të tjera të kampionateve të mëdha evropiane, por nuk është i interesuar për transferime në Katar apo Arabi Saudite thjesht për arsye financiare. Ai mbetet i vendosur të provojë se mund të konkurrojë ende në nivelin më të lartë, pavarësisht moshës.
Këtë sezon, ai ka zhvilluar 9 ndeshje dhe ka shënuar 7 gola për Barcelonën. Kontrata e tij aktuale skadon në qershor 2026, ndërsa vlera e tij në treg, sipas Transfermarkt, vlerësohet në 10 milionë euro.
Për momentin, Lewandowski nuk planifikon të largohet në janar, por një ndarje në verë mbetet një mundësi reale që do të varet nga qëndrimi i klubit dhe planet e tij personale.
