Një aksident ka ndodhur sot në aksin rrugor Librazhd-Qafë Thanë, ku automjeti i Institucionit të Ekzekutimit të Vendimeve Penale (IEVP), me drejtues një 57-vjeçar, është përplasur me një kamion. Kamioni drejtohej nga një shtetas malazez, 33 vjeç.
Sipas njoftimit të Policisë, aksidenti ka ndodhur ndërsa automjeti i IEVP-së, në të cilin udhëtonte personeli, po drejtohej nga shtetasi A. S., 57 vjeç. Ai është përplasur me kamionin, i cili drejtohej nga shtetasi malazez N. P., 33 vjeç.
Si pasojë e përplasjes, drejtuesi i automjetit të IEVP-së, shtetasi A. S., ka pësuar lëndime dhe është dërguar në spital për ndihmë mjekësore, ku ndodhet jashtë rrezikut për jetën.
