Në Drejtorinë e Përgjithshme do të nisë ditën e sotme faza e intervistimit për shefat e komisariateve. Procesi nis në orën 12.00, teksa pritet që çdo aplikant të intervistohet për rreth 20 minuta.
Komisioni i vlerësimit në Drejtorinë e Përgjithshme përbëhet nga kryetarja Alma Përmeti, antëtare Ervina Gjana dhe Anisa Duçkollari.Ky proces do të zgjatë deri më 10 dhjetor, ndërsa sot do të jenë 30 aplikantë që do të intervistohen. Në total garojnë 274 aplikante për 49 vende shefa komisariatesh në të gjithë vendin.
Pas përfundimit të këtij procesi Komisioni i Vlerësimit do i dorëzoj pikët drejtorit të Policisë, Ilir Proda, i cili do të vendosë “vulën” për emërmin e shefave në qarqe.
