Këtë verë, Shqipëria ashtu si çdo vit tjetër u përball me zjarre të fuqishme të cilat për fat të keq lanë pas dhe viktima në njerëz, përveç kafshëve të shumta e hapësirave të pyllëzuara që u shkrumbuan.
Edhe pse gjatë fushatës elektorale ishte premtuar se “Shqipëria do të kishte në dispozicion dy avion zjarrfikës këtë verë, duke nisur nga kjo verë që kaloi”, sikur premtonte kryeministri Edi Rama, avionët nuk u panë kund.
I gjendur përballë gazetarëve dhe presionit të lartë të njerëzve që po u digjej jeta para syve, ministri i Mbrojtjes Pirro Vengu tha se “Shqipëria po ndjek procedurat për të blerë dy avionë zjarrfikës!”
Në një vend ku nuk mbetet pa propaganduar as shembja e një muri me dinamit si arritje e madhe për lirimin e hapësirave publike, askush nuk ka folur për avionët, të cilët ende nuk janë blerë.
