Dinamo e Tiranës ka arritur një fitore të vlefshme 3-2 ndaj Vllaznisë në ndeshjen e vlefshme për javën e 16-të të Superligës. Kryeqytetasit dominuan shumicën e takimit, ndërsa shkodranët u munduan të reagojnë vetëm në minutat e fundit.
Takimi u zhbllokua në minutën e 28-të nga Zabërgja, i cili kaloi Dinamon në avantazh. Pavarësisht disa mundësive për Vllazninë, portugezi Nani shënoi dy gola të rëndësishëm për kryeqytetasit, të parin në minutën e 44-të dhe të dytin në minutën e 60-të, duke e çuar rezultatin në 3-0 duke siguruar një epërsi mjaft të favorshme.
Megjithatë, Vllaznia reagoi fuqishëm në fund të takimit. Çoba shënoi për 3-1 në minutën e 87-të, ndërsa Spahija shkurtoi diferencën në minutën e 89-të, duke e çuar rezultatin në 3-2. Edhe pse tentuan të barazonin, shkodranët nuk mundën të ndryshonin rrjedhën e ndeshjes, dhe Dinamo e mbylli ndeshjen me tre pikët e plota.
Me këtë fitore, Dinamo mban vendin e dytë në renditjen e Superligës me 27 pikë, ndërsa Vllaznia zbret në vendin e katërt me 25 pikë.
