Pas një periudhe 5-mujore pa përfshirje në listën e ndeshjeve të Serie A dhe kompeticioneve europiane, Elseid Hysaj është grumbulluar për herë të parë me skuadrën e Lazios. Mbrojtësi shqiptar është përfshirë në listën e lojtarëve të grumbulluar nga trajneri i Lazios, Maurizio Baroni, për ndeshjen e ardhshme të Kupës ndaj Napolit.
Ky vendim ka ardhur si rezultat i rregullave më të lehta për ndeshjet e Kupës, ku kufizimet për numrin e lojtarëve nuk janë aq të rrepta sa në kampionat apo Europa League. Përveç Hysajt, edhe dy futbollistë të tjerë, Akpa dhe Basiç, janë përfshirë në grumbullim.
Trajneri Baroni ka konfirmuar lajmin, duke theksuar se ata janë të gjithë lojtarë që konsiderohen për këtë ndeshje, për shkak të sjelljes dhe angazhimit të treguar gjatë javëve të fundit, edhe pse nuk kanë mundur të luajnë në ligë apo Europë. “Të gjithë ata që mund të përdoren janë të gatshëm, përfshirë Hysaj, Akpa dhe Basiç. I vlerësoj shumë për respektin dhe përkushtimin e tyre, dhe për mua, kushdo që shkon në fushë është thelbësor për ekipin,” ka thënë Baroni.
Një rikthim i mundshëm i Hysajt në fushë për këtë ndeshje vjen pas një periudhe të vështirë për lojtarin, i cili nuk ka arritur të gjejë hapësirë në formacionin e Lazios që prej fillimit të sezonit. Tashmë, ai ka mundësinë të tregojë vlerat e tij në një ndeshje të rëndësishme për Kupën e Italisë.
