Marrëveshja e paprecedentë mbi pagën prej 1 trilion dollarësh për Elon Musk u miratua me 75% të votave nga aksionarët e Tesla-s gjatë mbledhjes së përgjithshme vjetore. Kjo marrëveshje e cila përfshin shpërblime të mëdha, u prit me duartrokitje nga publiku. Musk, aktualisht njeriu më i pasur në botë, do të ketë mundësinë të përfitojë qindra miliona aksione, nëse arrin të rrisë vlerën e tregut të Tesla-s nga 1.4 trilion dollarë në 8.5 trilion dollarë dhe aktivizojnë një milion automjete Robotaxi, të cilat do të funksionojnë me sistemin e drejtimit autonom.
Kritikët e kësaj marrëveshjeje e kanë cilësuar si tepër të ndërlikuar, duke shprehur shqetësime mbi efektet e saj në financat e kompanisë. Megjithatë, bordi i Tesla-s e mbrojti marrëveshjen, duke theksuar se Musk mund të largohej nëse ajo nuk miratohej, si një faktor që justifikon kushtet e saj të rrepta.
Për të maksimizuar shpërblimin, Musk do të jetë i detyruar të përmbushë një sërë objektivash ambicioze. Rritja e vlerës së tregut deri në 8.5 trilion dollarë deri në vitin 2033 dhe zhvillimi i një milion automjeteve Robotaxi janë disa nga sfidat që ai duhet të kapërcejë. Kjo marrëveshje, ndonëse e diskutueshme, do të ketë ndikim të rëndësishëm në mënyrën se si Tesla operon dhe zhvillon teknologjinë e saj në të ardhmen.
Analistët dhe aksionarët kanë shprehur shqetësime rreth qëndrueshmërisë së këtyre objektivave dhe ndikimit që mund të kenë ata në financat e Tesla-s. Me kalimin e kohës dhe përparimet teknologjike që priten, mbetet për tu parë nëse Musk do të arrijë të përmbushë këto ambicie dhe nëse kjo marrëveshje do të ketë sukses në transformimin e Tesla-s në një lider të paprecedent në industrinë automobilistike.
