Manchester City dhe Inter siguruan fitore të rëndësishme në raundin e katërt të fazës së grupeve të Champions League, duke marrë hapa të mëdhenj drejt kualifikimit në raundet eliminatore.
Në “Etihad Stadium”, skuadra e Pep Guardiolës dominoi plotësisht ndaj Borussia Dortmund, duke fituar 4-1. Phil Foden ishte protagonisti absolut me dy gola (22’, 57’), ndërsa Erling Haaland shënoi kundër ish-skuadrës së tij në minutën e 29-të. Golin e fundit e vulosi Rayan Cherki në shtesë (90+1’). Për verdhezinjtë, Anton W. shënoi golin e nderit në minutën e 72-të. City shfaqet si një nga favoritët kryesorë për trofeun, duke ruajtur një formë të frikshme në Europë.
Në Milano, Inter mposhti Kairat Almaty me rezultatin 2-1, pas një ndeshjeje më të vështirë se sa pritej. Lautaro Martínez hapi shifrat në fund të pjesës së parë, por kazakët barazuan menjëherë në minutën e 55 me Arad. Fitorja e zikaltërve u sigurua nga Carlos Augusto në minutën e 67 pas një aksioni të ndërtuar mirë nga krahët. Me këtë fitore, Inter mbetet në krye të grupit të tij.
Në ndeshjet e tjera të mbrëmjes:
- Paphos 1–0 Villarreal
- Qarabag 2–2 Chelsea
- Ajax 0–3 Galatasaray
- Benfica 0–1 Leverkusen
- Club Brugge 3–3 Barcelona
- Marseille 0–1 Atalanta
- Newcastle 2–0 Athletic Bilbao
Një javë plot gola, emocione dhe rikthime, ku City dhe Inter konfirmuan se janë mes kandidatëve më seriozë për të shkuar deri në fund të Champions League.
