Shqipëria ka bërë përparime në disa sektorë gjatë këtij viti, vlerësoi Bashkimi Europian në progres raportin e publikuar ditën e djeshme.
Duke e cilësuar si një kohë të përshtatshme për të vijuar me procesin e negociatave dhe mbylljen e grupkapitujve, në dokumentin e progres-raportit për vitin 2025, kryefjalë mbetet reforma në drejtësi e cila është parë pozitivisht edhe këtë vit. BE vendos nota të larta ndaj punës së SPAK duke theksuar se ka përparuar qartë në luftën kundër korrupsionit.
Kreu i qeverisë, Edi Rama dhe Ambasadori i Bashkimit Europian, Silvio Gonzato mbajtën sot një konferencë të përbashkët për shtyp në ambientet e kryeministrisë.
Ambasadori Gonzatoi i dorëzoi kryeministrit raportin për Shqipërinë dhe më pas shpjegoi shkurtimisht se çfarë mund të gjendet në projekt-raport.
Gonzato: Dje komisioni evropian miratoi paktën e zgjerimit për vitin 2025 e cila përfshin edhe raportin për Shqipërisë. Sot më vonë do të takohem me minsitren Spiropali për të diskutuar raportin. Raporti i këtij viti publikohet në një moment shumë të rëndësishëm për procesin e integrimit të Shqipërisë në BE. 5 nga 6 kapituj negociues janë hapur dhe po punohet për hapejn e grup kapitullit të fundit.
E gjithë kjo është arritur me një shpejtësi të jashtëzakonshme. Përgëzoj autoritetet shqiptare për këtë rezultat të shkëlqyer. Po hyjmë në një fazë vendimtare, një fazë ku do të testohet vullneti i Shqipërisë për tu përafruar me standardin e BE-së. Komisioni Evropian është gati të mbështesë Shqipërinë në çdo hap për mbylljen e negociatave të anëtarësimit deri në fund të vitit 2027. Për të përmbushur këtë objektiv ambicioz Shqipëria duhet të përshpetojë reformat. Raporti i vitit 2025 për Shqipërinë i publikuar dje është faktik dhe gjithëpërfshirës. Shpresojmë që të gjitha forcat politike do ta konsultojnë dhe lexojnë këtë raport, pasi vlerëson artitjet dhe jep meritt, por thekson edhe fushat ku ka ngecje dhe Shqiëpria nuk ka ecur përpara.
