Një 42-vjeçar ka terrorizuar Tiranën të premten.
Ai i rrezikoi jetën punonjësve të policisë, pasi përplasi tre automjetet e tyre ndërkohë që nuk mungoi edhe ndjekja me shpejtësi në kryeqytet.
Uniformat blu njoftuan se autori i kësaj ngjarje dyshohet të jetë me probleme të shëndetit mendor.
Ai ka qëlluar fillimisht me një pistoletë lodër me gogla në drejtim të gjymtyrëve të poshtme të një mjekeje në Qendrën Spitalore Universitare “Nënë Tereza”.
Më pas ka tentuar të largohet me makinë nga ambientet e qendrës spitalore.
Sapo kanë marrë njoftim shërbimet e policisë i janë vënë në ndjekje. Por pavarësisht thirrjeve për të ndaluar, autori ka vijuar të lëvizë me shpejtësi, e madje ka përplasur makinat e efektivëve, duke ua rrezikuar seriozisht jetën.
