Një pallat me një hapësirë prej 4 mijë metrash katror në zonën e astirit, është bllokuar nga Ispektpriati i Mbrojtjes së Territorit të Bashkisë së Tiranës, pasi është ndërtuar pa leje një një hapësirë publike.
Objekti është thuajse në përfundim të ndërtimeve dhe nuk rezulton të ketë asnjë lëje nga institucionet përkatëse, mësohet se ndërtimi është në pronësi të biznesmenit Sino Llanaj. Aksioni është mbështetur nga Policia Bashkiake.
Nënkryetari i Bashkisë e ka ndjekur aksionin nga afër dhe është shprehur se: “Nëse Tirana sot është më e çliruar nga ata të cilët kishin zënë hapësira pa leje është merita e madhe e IMT, e drejtuar nga Rigers Sheqeri, dhe Policisë Bashkiake e drejtuar nga Elona. Ne nuk do të mbarojmë derisa të lirojmë çdo hapësirë pa leje dhe këto hapësira të kthehen në lulishte dhe parqe për fëmijët. Në foto jemi në një pallat në zonën e Astirit ku i është konstatuar mbi 4000m2 pa leje.”
Llanaj nuk është emër i panjohur pasi ai është bashkëpronar edhe në një kompleks në zonën e ish-parkut, ku 120 familje kanë ngelur në qiell të hapur pasi ai ka konflikt me Albert Allmuçën. Dy ndërtuesit u konfliktuan më 13 janar 2021, sherr që përfundoi në plagosjen e Llanajt. Familjet që kanë blerë apartamentet kanë protestuar para ministrisë së Drejtësisë, pasi nuk kanë mundur që të futen në banesa prej më shumë se 10 vitesh.
Një reagim zyrtar ka patur edhe nga policia për ndalimin e Sino Llanaj: “Specialistët për Hetimin e Krimeve të Komisariatit Nr. 6 ndaluan shtetasin S. Ll., 50 vjeç, pasi është konstatuar se në objektin e tij (pallat në ndërtim), në Yzberisht, ka kryer punime ndërtimi pa leje, në hapësirën e përbashkët të pallatit.”
