Kryetari i Partisë Demokratike, Sali Berisha ka ironizuar kryebashkiakun e Tiranës, Erion Veliajn përmes një postimi me titull “3B-të e Lali Vjedhësit”. Berisha shkruan se “3B-të” nuk përfaqësojnë 3 drejtorë të Veliajt por gjithsesi janë të lidhura me kryebashkiakun. Më tej shprehet se “3B-të” janë gërmat e mbiemrave të tre personave që “një ditë bëjnë zëdhënësin e SPAK-ut, mëngjesin e ditës tjetër i thurin elozhe Edi Ramës, kurse në darkë bëjnë avokatinë e Veliajt.”
POSTIMI I PLOTË:
3B-të e Lali Vjedhësit!Miq, unë e di se atyre që lexojnë këtë titull menjëherë do t’u shkojë mendja se bëhet fjalë për një kompani tjetër të Lali Vjedhësit, si ajo e 5D. Ndokush tjetër, gabimisht, mund edhe të mendojë se bëhet fjalë për prapanicën e Lali Vjedhësit, paçka se ai ka vetëm një çerek të tillë, e jo më të ketë tre. Por edhe analogjia 3B me 5D, në fakt, nuk qëndron plotësisht, apo të themi më mirë se 3B me 5D kanë dhe nuk kanë lidhje.
Në dallim nga 5D, që ka për pronar Erion Velinë dhe 5 drejtorët e tij, dhe që fitonte, vidhte me modelin 100%, dhjetëra e qindra milionë euro të buxhetit të shtetit me tendera të Bashkisë, 3B lidhet përsëri me Velinë. Ato nuk përfaqësojnë 3 drejtorë të Velisë, as dhe germat nismëtare të titujve të tyre, por janë të lidhur si mishi me thuanë me Lali Vjedhësin!
3B janë gërmat nismëtare të mbiemrave të tre personave që, njëlloj si të marrë me qira, një ditë bëjnë zëdhënësin e SPAK-ut, mëngjesin e ditës tjetër i thurin elozhe Edi Ramës, kurse në darkë bëjnë avokatinë e Lali Vjedhësit. Aspak për çudi, këto ditë ata i çmendi Belindi me lajmet dhe sarkazmat e tij për Velinë, se ai nuk shkeli në tokën e SHBA-së sepse po kërkon azil në Zvicër apo Teheran.
Këto deklarata detyruan 3B, trojkën Bolino-Beqiri-Baze, të heqin çdo maskë, të harrojnë edhe Nesti Ramën, madje edhe vetë Berishën, dhe t’i përvishen me breshëri artikujsh dhe padish në SPAK që mori nderin e munguar të Lali Vjedhësit. Me këto sulme, trojka Bolino-Beqiri-Baze nuk mund të thirren më si lëpirësit e Ramës, por kamikazët e Lali Vjedhësit.
