Domenico Morfeo, një ish-futbollist i njohur italian i cili ka luajtur për skuadra si Parma dhe Inter, thekson se karriera e tij nuk pati një mbyllje të lumtur. Sot, ai menaxhon një restorant dhe ndan përjetimet e tij në një intervistë për “La Gazzetta Dello Sport”. Ai fillon duke shprehur pendesën për mungesën e profesionalizmit gjatë karrierës së tij, duke menduar se do kishte arritur më shumë nëse do të kishte ishte edhe më i fokusuar.
Morfeo kujton finalen e Europianit U21 në 1996, ku shënoi penalltinë vendimtare. Ai shprehet se ndjenja e tij si lojtar ka qenë e ndarë, duke e konsideruar futbollin si një mik, por edhe si armik për disa eksperienca të hidhura. Ai tregon se ka ndjerë zhgënjim nga disa persona, sidomos nga presidenti i Parmës, Ghirardi, të cilin e akuzon se i shpalli luftë, pavarësisht dëshirës së tij për të luajtur dhe në Serie B.
Morfeo tregon se ndjeu më shumë liri në klube si Parma, dhe falënderon trajnerin Cesare Prandelli që e ndihmoi të debutonte në nivelin më të lartë. Ai flet për lidhjen e tij me lojtarët si Gilardino dhe Adriano, duke treguar se përvoja me ta ishte mbresëlënëse. Megjithatë, Morfeo pranon se ndjehet se nuk e shfrytëzoi plotësisht potencialin e tij, dhe se kishte kualitetet për të qenë titullar në kombëtaren e Italisë, por mungesa e fokusit e kufizoi atë.
Ai ka një vlerësim negativ për futbollin e sotëm, duke e përshkruar si një “botë false” dhe thekson se nuk dëshiron të kthehet kurrë në të. Megjithatë, ai shpreh një ndjenjë nostalgjie për karrierën e tij, edhe pse tani ndjehet i lumtur mejetin që ka ndërtuar jashtë futbollit, duke menaxhuar restorantin e tij në Parma. Ai shpreson që brezat e rinj të ndjekin pasionin dhe qëllimet e tyre në mënyrë më të vendosur se ai.
