Një 35-vjeçar është arrestuar nga policia e Elbasanit pasi ka goditur vëllanë e tij me thikë për motive të dobëta.
Në pranga ra shtetasi B. H., 35 vjeç, banues në fshatin Labinot Fushë, i cili dyshohet se ka goditur me mjet prerës (thikë), në dorë, vëllanë e tij, shtetasin A. A., 46 vjeç, për motive të dobëta.
I dëmtuari është jashtë rrezikut për jetën.
Gjatë kontrollit në banesën e 35-vjeçarit, u gjetën dhe u sekuestruan thika me të cilën dyshohet se ka kryer krimin dhe disa fishekë arme gjahu.
