Gazetarja Klodiana Lala ka ndarë detaje të reja mbi hetimin e SPAK ndaj kryebashkiakut të Tiranës, Erion Veliaj, dhe bashkëshortes së tij, Ajola Xoxa.
E ftuar në emisionin “Opinion”, ajo deklaroi se sipas dosjes së SPAK, një nga faturat e sekuestruara tregon një fustan të blerë me vlerë 35 mijë dollarë.
Po ashtu gazetarja tregoi se për të verifikuar këtë gjë, gjatë kontrollit në apartamentin e çiftit në Sky Tower, hetuesit e BKH-së morën si prova disa sende personale të Ajola Xoxës dhe më pas u bë krahasimi me artikujt online.
“Në një rast rezulton vetëm një fustan në një faturë që është rreth 35 mijë dollarë. SPAK i ka në dosje se nëse janë të vërtetuara ose jo, unë nuk jam SPAK-u. Është në dosje që vetëm një fustan dhe nëse e mbani mend, kur u kontrollua apartamenti 11/4 në Sky Toëer, është 10/4 që është qendra Harabel, një kat më lart është 11/4 dhe aty SPAK përveçse sekuestroi disa dokumente, kontrata etj, ajo çfarë më bëri mua përshtypje në atë kohë se nuk e kisha dëgjuar përpara, SPAK dhe agjentët e BKH morën sende përsonale, këpucë, çanta dhe fustane të znj. Xoxa,” tha Klodiana Lala.
