Prej dy ditësh, 29 vjeçari Ardit Beshiri rezulton i zhdukur pas një ngjarje të rëndë që ndodhi pranë një fabrike përpunimi kromi në zonën Qafë-Burrel, në Klos, ku një rezervuar uji u çarë dhe shkaktoi rrëshqitjen e një masivi dheu.
Dyshohet se është zënë nga një makiv dheu që u shemb në zonë.
Kushëriri i tij, Malvin Taraj, ka kërkuar ndërhyrjen e ekipeve të specializuara, duke thënë se trupi mund të gjendet vetëm përmes aparaturave të posaçme, të cilat nuk janë në dispozicion aktualisht.
“Na kanë thënë se një kompani turke i ka këto pajisje, por nuk e dimë se si të veprojmë. Vetëm me forca njerëzore nuk mund të bëhet asgjë, terreni është i pakalueshëm”, u shpreh ai
Në vendin e ngjarjes ndodhen efektivë të policisë, ushtarë dhe vullnetarë, por deri tani trupi nuk është gjetur.
