Pep Guardiola e shënoi ndeshjen e tij të 1000-të si trajner profesionist me një paraqitje të jashtëzakonshme nga Manchester City, që mposhti Liverpoolin 3–0 në xhiron e 11-të të Premier League. Golat e Haaland, Nico González dhe Doku i dhuruan “Qytetarëve” një fitore të pastër dhe e vulosën një moment historik në karrierën e trajnerit katalanas.
Në 1,000 ndeshje të drejtuara me Barcelona B, Barcelonën, Bayern Munich dhe Manchester City, Guardiola ka 716 fitore (72% sukses) dhe 40 trofe, duke vendosur një statistikë mbresëlënëse — vetëm 25 ndeshje për çdo trofe të fituar.
Që nga ardhja e tij në Manchester në vitin 2016, Guardiola ka transformuar City-n në një perandori moderne futbolli, duke fituar 6 tituj të Premier League, 2 FA Cup, 4 League Cup, 3 Community Shield, si dhe Champions League, UEFA Super Cup dhe FIFA Club World Cup.
