Dhjetëra mijëra qytetarë amerikanë janë mbledhur në Arizona të SHBA-ve për ceremoninë përkujtimore në homazh të aktivistit konservator Charlie Kirk.
Të pranishëm janë edhe Presidenti i SHBA-së Donald Trump dhe zv.Presidenti JD Vance të cilët do të flasin në këtë aktivitet.
Të pranishëm janë edhe zyrtarë të tjerë, përfshirë Sekretarin e Shtetit Marco Rubio dhe Sekretarin e Shëndetësisë Robert F Kennedy Jr.
Në ceremoni policia tha se mund të marrin pjesë më shumë se 200 000 njerëz.
Autoritetet kanë rritur sigurinë në të njëjtin nivel me mbajtjen e “Super Bowl”.
Ceremoni të tilla nuk u kanë shpëtuar as kritikave.
Ceremonia live:
“Mendoj se ky është thjesht modeli tipik autoritar. Ata po marrin një krim të tmerrshëm, vrasjen e tmerrshme të Charlie Kirk, dhe po përpiqen ta përdorin atë për të sulmuar kundërshtarët e tyre politikë”, deklaroi ish-Sekretarja Amerikane e Shtetit Hillary Clinton.
Në kohë si këto, “udhëheqësit duhet të përpiqen të bashkojnë njerëzit, por në vend të kësaj po shohim përçarje më të mëdha”, tha demokratja, duke e quajtur pezullimin e shfaqjes së Kimmel “një shembull shumë të qartë” të censurës shtetërore.
Në krahun tjetër Trump ka bërë akuza për demokratët. “Është e tmerrshme” që 58 ligjvënës demokratë votuan kundër rezolutës së Dhomës së Përfaqësuesve që nderonte Charlie Kirk” – u shpreh kreu i shtëpisë së Bardhë duke i quajtur liberalët “të pabalancuar dhe të sëmurë”.
Vrasja e Kirk – një figurë shumë polarizuese – e ka futur SHBA-në në një udhëkryq të rrezikshëm, shkruan korrespondentja e BBC, Katty Kay. Kirk u qëllua dhe u vra ndërsa fliste në një aktivitet universitar në Utah më 10 shtator. Tyler Robinson, 22 vjeç, është arrestuar për vrasjen e tij.
