Seanca e sotme e Kuvendit zgjati vetëm 20 minuta. PD kërkoi një orë diskutim jashtë rendit të ditës, por PS e rrëzoi duke shkaktuar debat.
Kryetari i PD-së, Sali Berisha akuzoi se Edi Rama angazhoi krimin e organizuar për të fituar në këto zgjedhje duke theksuar se 28 deputetë në Kuvendin e ri janë zgjedhur nga klanet e drogës.
“Klanet e vrasësve, drogës sjellin në këtë parlament 28 deputetë. Këtu mblidheni këtu pasi për të blerë votat me drogë, kreu i juaj firmosi mbjelljen e 28 mijë hektarëve me kanabis në mbarë vendin.
Votën e parë të diasporës e manipuluat në mënyrën më të egër. 1.6 milionë shqiptarëve iu shkelmuat votën. Do të ishte më e ndershme që në parlament të ulej, Troplini, Hajri, Çela, Gjoka, Arben Qimja, Renato Salihi, Orik Shyti dhe të tjerë të cilët iu përdorin si lecka politike”, tha Berisha.
