Presidenti i vendit, Bajram Begaj ka përshëndetur 16 vjetorin e Shqipërisë në NATO.
Përmes një postimi në rrjetet e tij sociale, kreu i shtetit thekson se përgjatë këtyre viteve vendi ynë ka dëshmuar se është anëtare e denjë e aleancës me kontribute dhe pjesëmarrje aktive në misione dhe operacione të NATO-s. Ndër të tjera ai ka përforcuar faktin se Shqipëria do të vijojë të jetë e përkushtuar ndaj aleancës euro-atlantike.
“16 vjet në NATO! Shqipëria feston sot me krenari 16 vjetorin e anëtarësimit në aleancën më të sukseshme të mbrojtjes kolektive, NATO.
Në këto 16 vite Shqipëria ka dëshmuar se është anëtare e denjë e aleancës me kontribute dhe pjesëmarrje aktive në misione dhe operacione të NATO-s.
Shqipëria do vijojë të jetë e përkushtuar ndaj aleancës euro-atlantike për të patur një NATO të fortë, të bashkuar dhe solidare”, shkruan Begaj.
