Një adoleshent indian i quajtur Aaryan Shulka ka arritur të thyejë gjashtë rekorde Guinness në matematikë brenda një dite, duke treguar aftësitë e tij të jashtëzakonshme për llogaritjen e numrave. 14-vjeçari, i cili njihet si një “makinë llogaritëse njerëzore”, ka llogaritur mbledhje, zbritje, shumëzim dhe pjesëtim me numra që varionin nga katërshifrorët deri në 10-shifrorët, në një periudhë që shkon nga 40 sekonda deri në 5 minuta.
Shumë shikues dhe admirues anekënd botës e kanë cilësuar atë si një “makinë llogaritëse njerëzore” për aftësitë e tij të mrekullueshme. Shulka, i cili e atribuon suksesin e tij me praktikat e përditshme, thotë se ai punon rreth pesë deri në gjashtë orë çdo ditë për të përmirësuar aftësitë e tij.
Babai i tij, thekson se familja e tyre është e zakonshme dhe se Arjani është një fenomen i jashtëzakonshëm. “Ne jemi një familje normale. Arjani është një në një miliard. Askush tjetër në familje nuk i afrohet aftësive të djalit”, shprehet ai.
