Rreth 10 milion lekë të vjetra mendohet të jetë dëmi i shkaktuar fermerit që iu vranë 40 krerë bagëti mbrëmjen e sotme në Levan-Qarr, nga aksidenti i tre makinave ku mbetën të lënduar 4 persona.
Fermeri që iu shkaktua dëmi ka dhënë një intervistë për mediat, ku ka deklaruar se nga përplasja janë vrarë 40 bagëti, por numri i vertetë do të shikohet nesër në mengjes. Sipas tij, kanë qenë dy automjete me shpejtësi të lartë që po parakalonin njëri-tjetrin, ndërsa drejtuesit e automjeteve janë larguar nga vendngjarja.
“Isha duke futur bagëtitë në portë, në atë moment vijnë dy makina, u dola para t’i ndaloja, nuk po ndalonin, por po parakalonin njëri-tjetri po vinin me shpejtësi. U shmanga nga rruga të mos më vrisnin mua, më kanë vrarë 40 bagëti. Unë kam rreth 200 e ca krerë. Kanë ngordhur 40 krerë. Se sa do jetë bilanci, nesër në mëngjes ta shohim. Ata ikën, makinat janë këtu. Se di çfarë ka bërë policia. Dëmi shkon rreth 10 milion lekë”, deklaroi ai.
Lexo edhe: Aksident i trefishtë në Levan, makinat shtypin tufën e deleve (Pamjet)
